今日做乜嘢?

今日遲起身, 無去游水.   

想去Element睇功夫熊貓, 原來只剩下上午場.   

媽咪又好似唔係好舒服, 最後只好推咗朋友唔出街.   

工人好似下星期會到, 今日就努力收拾我放咗係工人房多年既雜物

每次收拾都會掉一堆嘢, 不過一定有d唔捨得掉.   隨着年齡增長, 每次對物品既喜好都會有所改變.  

今次拋棄既物品,

• 有好多年都不捨得拋棄既公仔.
• 連Snoopy 都都變黃了
• 亦有一堆我自己都唔明當年點解要買既手信.   有d 宜家覺得好醜樣    有d都唔係平, 真浪費
• 仲有以前花咗我好多時間做既小手工
• o.... 我唔記得影陪咗我多年既琵琶

今次真係少咗好多唔捨得既感覺!!!

仲拋棄埋最後一本我仲keep住既 A-CLUB.     宜家好難揾到咁靚既動漫雜誌

好懷念以前既卡通片, 點解宜家既卡通片無以前既水準.  特別係畫功.  上星期係朋友屋企第一次睇 '我們這一家', 我完全無法接受呢套咁醜樣既卡通片  同佢既內容.

仲揾到我自己都唔記得自己買過既小手工.  整出來比原先睇仲靚   不過屋企無地方放, 我只好再將完成品打入冷宮

不過我仲有唔捨得掉既琴書, 雖然我多年前已經拋棄咗個琴.  都唔明自己仲keep住來做乜

剛剛看到Cindy去世既消息.  雖然知道佢病重, 但就無心理準備.   實在太快.   我最近都無好好珍惜自己既時間, 就讓時間一分一秒既過去.   要善用自己既人生, 都唔係一件簡單既事啊~

分體冷氣機漏水

天氣炎熱, 傍晚發覺冷氣機出事, 原來無冷氣用都好痛苦 

事原開咗冷氣後無關門,  隔咗一陣聽到滴水既聲音.  正奇怪無落雨點解屋企會漏水 .  向上望居然係分體冷氣室內機既出風口滴水.      現在才發覺房內感受不到冷氣..   機件可能負荷不來, 被我攪壞了.  我嘗試開勁冷氣, 期望把水滴變回冷氣, 不過水滴依舊.  我怕會觸電, 最後只好熄咗佢.  

第2日call 人修理, 師傅同我地熟, 唔想晒我地$$$.   叫我地先試下洗乾淨隔層網, 冷氣機污糟都會引起滴水.  最好2星期洗一次.   我地check過都唔係污糟.  我只好再試開冷氣, 花時間希望可以把水滴變回冷氣.   今次無琴日咁多水滴.   大約半個鐘度無再滴水啦. 

今次好好彩可以省回修理費.   我以後會好小心用電器

新娘set 頭入門班

好耐都無學嘢, 見到呢個blog, 又想學下新嘢, 睇下自己有無機會發展其他行業.

新娘set 頭入門班

從未幫過人地梳頭, 都攪到手忙腳亂.  本來無諗住買假頭, 結果都要買一個返屋企練習  返屋企練習, 下一堂比上一堂好好多.   不過都係唔容易啊.  等我練好先再影相俾大家睇啦.

螢幕呎--網頁及圖片製作輔助工具 (轉載)

「Screen Measure」是測量螢幕的小工具，可在螢幕上顯示一把呎，可隨意移動螢幕畫面任何位置，可隨意伸長縮短，可橫放直放，可移動呎規上面的刻度，有放大鏡的功能，可隨著游標的移動放大指標位置文字圖像，並顯示座標、顏色等資訊。

設計網頁經常需要了解螢幕視窗上面各物件大小分配的情況，如圖片的高寬，物件與螢幕邊界的距離，表格‧‧‧等等， 所以需要有一把螢幕呎能夠測量螢幕上物件的尺寸，那這把呎就可派上用場了。

下載後直接安裝既可

按此下載

引用: http://tw.myblog.yahoo.com/jw!.KNty8iGR0WBlosOtiUpDA--/article?mid=20311

旅遊展

差d都唔記得上次係旅遊展影咗奧運會館既模型, 好靚啊

Local Video

http://www.everyscape.com/snowmassvillage-co.us.aspx