Sugar Dessert House

2008年8月8日 - 北京奧運開幕.

本來無諗過要睇開幕禮, 諗住都係悶.  

不過大家都講到好似非睇不可.   攪到我都心動想睇.  一早聽到有d 公司可以早放睇開幕.   今朝望咗好耐, 終於等到老闆出e-mail 可以5點放. 

不過之前無諗住睇, 今日約咗要跟 Beauty 媽 補返 set 頭返最後一堂.   我都係無機會睇 (alt)

今日要等 Model, 我唔想行街, 又買咗本雜誌坐係尖東噴水池邊睇.   估唔到夏天坐係噴水池邊都可以幾舒服. 

我地好早之前就係天橋上見到Sugar Dessert House既廣告, 好似好吸引.  不過返學攪到遲, 人又攰, 次次都無機會去.   難得今日星期五, 可以去享用下.  今日難得尖沙咀唔多人啊~

好彩離開前問咗Beauty媽同同學既意見, 難得過海, 我地好多嘢都想試. 

朱古力堡壘

仲夏甜夢 (芒果)

其實食呢d 係開心多過好味, 第一啖係好好味, 食多咗都係一般.  如果多 d 人 share 來食 相信會更enjoy

我地都係太貪心啦. 樣樣都想試.  外賣返去咪有得食

又係同學推介 - 椰皇湯圓 (熱). 

不過返到屋企, 細路居然唔舒服瞓咗.  結果係好飽既情況下, 大部份既甜品都係落咗去我個肚

我仲有機會睇到開幕禮既 ending.    李寧最後點聖火既祥雲怖景好好睇啊.  呢幕傑作真係令中國人感到好驕傲.  遲d要補睇返開幕禮.