Monday, February 11, 2008

L 之終章‧最後的23天 (L Change The World)


自從Devil Wearing Prada, 我都好耐無睇電影.  今晚去咗睇L, 早上係公司有同事話佢朋友話套電影係垃圾我仲要係未睇第1, 2, 只係睇咗一部份漫畫, 所以無帶任何期望去睇出奇地套電影好好睇.  原來各人既comment 可以差天共地.  

我第一次係九龍站既Grand Cinema.   上網買戲票既system比較複雜我攪咗好耐先買到戲票原來要先按走電腦預先劃好既位, 先可以選其他位亦唔可以留有單坐位我原先想買個行剩下3個位, 唔知係咪呢個原因買唔到2個位.   間影院都唔錯, 音響效果加埋地震加強咗震撼感.   有一幕飛機聲同真飛機聲一樣咁嘈

劇情都好似Outbreak.  電影裡既人物都演得好好男主角既造型行為同漫畫好相特別喜歡個位細路女福田麻由子 (演過女王的教室), 演技一流, 把內心感情戲發揮得好好.   尾段曲後仲有一幕交代L的結局好多人唔知, 一唱歌就離場不過那一幕, 看與不看都無乜分別.   

又引起我要追埋漫畫, 同睇埋第1,2.  好多嘢要做呀.

睇完場戲想去食千兩, 9點幾都要等10幾張台, 放棄啦!!!

1 comment:

  1. 等我今晚都拋底個女倆老去睇 e 套戲先, 我有睇一二集都唔錯呀!

    ReplyDelete

想以電郵收到我對您的回應, 記得按右手邊"通知我"